Kawani ng DPWH utas sa tandem

TUGUEGARAO CITY, Cagayan, Philippines – Napatay ang isang kawani ng DPWH habang sakay ng kanyang motorsiklo matapos itong pagbabarilin ng riding-in-tandem gunmen sa Barangay Aguiguican, bayan ng Gattaran, Cagayan kamakalawa. Naisugod pa sa Matilde Olivas Memorial Hospital subalit idineklarang patay si Rex Purificacion ng Barangay Sta. Maria sa bayan ng Lallo. Sa imbestigasyon ni SPO1 Manuel Diaz, pauwi na ang biktimang nakamotorsiklo kasabay ang kaibigang si Jeffrey Elizaga na nakasakay din ng motorsiklo nang pagraratratin ng tandem. Sa pahayag ni P/Chief Insp. Engelbert Bunagan, hepe ng Lallo PNP na wala sa drug watchlist ang biktima na pinaniniwalaang personal na alitan, pagkakautang o selos ang ilang motibo sa pamamaril.