TUGUEGARAO CITY, Cagayan, Philippines – Brutal na kamatayan ang sinapit ng 47-anyos na misis matapos itong pagtatagain ng sariling mister na sinasabing nawala sa katinuan kamakalawa sa Barangay Pinukpuk sa bayan ng Alcala, Cagayan. Kinilala ni P/Senior Insp. Reynaldo Viernes, hepe ng Alcala PNP ang napatay na misis na si Juliana Escalo habang nasakote naman ang suspek na si Romeo Escalo, 47, kapwa nakatira sa nasabing barangay. ?Lumalabas sa imbestigasyon ng pulisya, natutulog ang biktima nang wakwakin ng mister ang dibdib. Agad naman sumuko sa pulisya ang suspek habang sinisi pa ng mister ang kanyang misis dahil sa mga gamot na ipinaiinom nito sa kanya kaya nagawa ang krimen. Nabatid na ipinasuri sa mental health ang suspek kasama ang kanyang misis bago naganap ang pananaga.?