1 pang drug pusher napatay

BATAAN, Philippines – Isa pang drug pusher ang napatay matapos itong makipagbarilan sa pulisya sa inilatag na buy-bust operation sa Barangay Culis sa bayan ng Hermosa, Bataan kamakalawa ng gabi. Kinilala ang napatay na si alyas Ka Aba ng Barangay Tipo sa nasabing bayan. Base sa police report na nakarating kay P/Chief Insp. Jayson Pedro, hepe ng Hermosa PNP, nakatunog si Alyas Aba sa inilatag na operasyon kaya ito nakipagbarilan at napatay. Narekober sa encounter site ang isang cal. 38 revolver na may mga bala, motorsiklo, 2 plastic sachet na shabu, at P1,000 mark money. Sa tala ng pulisya, si Ka Aba ay ika-6 na drug pusher na napatay ng mga pulis sa buy-bust operation simula noong Hulyo 4.