TUGUEGARAO CITY, Cagayan, Philippines – Kamatayan ang sinapit ng 70-anyos na retiradong jail officer habang kritikal naman ang pamangkin nitong pulis makaraang salpukin ng pampasaherong bus ang kanilang Starex van sa kahabaan ng national highway sa Barangay Minanga Norte, bayan ng Iguig, Cagayan kamakalawa.
Kinilala ni PO2 Dan August Begenio ang namatay na si Claudio Piñon habang nakikipagbuno naman kay kamatayan sa Saint Paul Hospital si PO1 Andrew Salazar Piñon, 29, mga residente sa bayan ng Alcala, Cagayan.
Lumalabas sa imbestigasyon na unang nasagi ng Starex van (WGK-306) ni Claudio ang likurang bahagi ng pampasaherong van ni Michael Nicolas Rendon nang tangkain nitong mag-overtake.?
Gayunman, tuluyang pumagitna sa kabilang linya ang starex van ng mga biktima kaya nakasalpukan ang kasalubong na GMW Bus Liner na minamaneho naman ni Ariel Borja Layug.?
Unang isinugod ang magtiyuhin sa Cagayan Valley Medical Center kung saan idineklarang patay ang matanda.?
Nasa custody ng pulisya ang dalawang drayber na nakasalpukan ng sasakyan ng lolo para sa kaukulang imbestigasyon.