Trike vs trak: 2 todas

PAMPANGA, Philippines – Dalawa-katao na magkasama sa traysikel ang namatay makaraang salpukin ng trak sa kahabaan ng OG road sa Purok 1, Barangay Mapalad sa bayan ng Arayat, Pampanga noong Martes ng madaling araw. Sa ulat ni P/Supt. Rommel S. Batangan, hepe ng Arayat PNP, kinilala ang dalawa na sina  Frederick Eclevia, 44; at Wendell Castillo,15, mga nakatira sa Barangay Binukawan, bayan ng Bagac, Bataan. Nahaharap naman sa kasong kriminal ang driver ng trak na si Richard Mejia, 29, ng Primicias Ventinilla sa bayan ng Sta. Barbara, Pangasinan. Base sa ulat, biglang lumihis sa kabilang linya ng kalsada ang traysikel ng mga biktima kaya nakasalpukan ang trak ni Mejia. Naisugod naman sa Arayat District Hospital ang mga biktima subalit idineklarang patay.