Lover ni misis, kinatay ni mister

NORTH COTABATO, Philippines - Patay ang isang matandang lalaki matapos tagain ng isang mister nang maaktuhang nakikipagtalik ang biktima sa misis ng huli  sa Barangay Maligo, Polomolok, South Cotabato kamakalawa ng gabi.

Kinilala ni Police Supt. Joedelito Guisingga ang biktima na si Freddie Cabillan, 64-anyos, residente ng Barangay Maligo, Polomolok.

Pasado alas-6:00 ng gabi habang pauwi umano si Joven Tablo, 31, ng Purok 5, Barangay Landan, nang madaanan ang asawa na nakikipagtalik umano sa 64-anyos na suspek sa isang basketball court. Dahil dito, nagdilim ang paligid ng suspek at agad na sinuntok ang biktima at tinaga gamit ang dalang lagaraw kaya tinamaan ang ulo ni Cabillan.

Agad na sumuko si Tablo sa isang barangay kagawad bago siya idineretso sa pulisya habang ang biktima naman ay dinala sa pagamutan subalit binawian din ng buhay.