LEGAZPI CITY, Albay, Philippines – Brutal na kamatayan ang sinapit ng 68-anyos na magsasaka matapos itong pagtatagain ay napagtripang pugutan ng kanyang kapitbahay na sinasabing nawala sa katinuan kamakalawa ng umaga sa Barangay Cangcahorao sa bayan ng Baleno, Masbate. Kinilala ng pulisya ang napatay na si Decio Candidato habang tugis naman ang suspek na si Alejandro Rapsing na kapwa nakatira sa nabanggit na bayan. Bandang alas-10 ng umaga nang pagtatagain ang biktimang nakaupo sa labas ng kanyang bahay. Tinangay ng suspek ang pugot na ulo ng biktima kung saan narekober naman ng pulisya may ilang metro ang layo sa bahay nito.