BULACAN, Philippines - Kalaboso ang isang obrero matapos na mahulihan ito ng baril at shabu sa isang checkpoint kamakalawa ng gabi sa highway ng Brgy. San Pedro,Hagonoy, Bulacan.
Ang suspek ay kinilalang si Lorenzo De Leon, 44, ng Purok 4, Brgy. Mercado ng bayang ito.
Base sa ulat, dakong alas-10:30 ng gabi ay kasalukuyang nagpapatupad ng checkpoint ang pulisya sa nasabing lugar nang dumating ang suspek lulan ng motorsiklong Yamaha Sniper (8712-TT) at pinahinto dahil walang ng suot ng crash helmet.
Habang tinatanong ay napansin ni SPO1 Jayson Salvador na kahina-hinala ng ikinikilos ng suspek kaya’t ipinalabas ang mga kagamitan sa kanyang katawan at dito ay nakita sa bewang ang isang .22 revolber na baril na may anim na bala at pitong pakete ng shabu kaya’t inaresto ito.