Kuya tinadtad ni bunso
CAMP SIMEON OLA, Legazpi City, Philippines – Brutal na kamatayan ang sinapit ng isang 49-anyos na kuya sa kamay ng kanyang bunsong kapatid nang pagsasaksakin nito sa kasagsagan ng kanilang mainitang pagtatalo sa Barangay Aguinaldo, Bulan, Sorsogon kamakalawa ng gabi.
Ang biktima ay si Rodrigo Sacopon, 49, may asawa, magsasaka, ng Barangay Casini, Irosin, nasabing lalawigan habang sumuko sa mga tanod ang suspek na si Joy Sacopon, 40, may asawa, magsasaka, ng nasabi ring lugar.
Batay sa ulat, dakong alas-9:00 nang mapatay ng nakababatang Sacopon ang kanyang kuya sa loob ng bahay ng una.
Nauna sa insidente, dinalaw ni Rodrigo ang kanilang bunso na si Joy at magkasama pa umano silang magkapatid na nakipag-inuman sa kapitbahay ng huli.
Nang malango na sa alak ang magkapatid, umuwi na sila sa bahay ni bunso at sabay na naghapunan.
Habang kumakain, bigla na lamang nagkaroon ng mainitang pagtatalo ang dalawa sa hindi pa batid na dahilan hanggang sa mabilis na kumuha ng kutsilyo si bunso at pinagsasaksak ang kanyang kuya.
- Latest
