Minero tinodas ng kasamahan
MANILA, Philippines – Napatay ang isang minero habang sugatan naman ang isa pa makaraang pagbabarilin ng kanilang kasamahang minero dahil sa mainitang pagtatalo sa larong bilyar sa Barangay Sta Cruz, bayan ng Rosario, Agusan del Sur kamakalawa ng gabi. Kinilala ang napatay na si Ronnie Umali habang isinugod naman sa pagamutan ang kasamahan nitong si Dante Estavas Jr., 23.
Nahaharap naman sa kasong kriminal ang suspek na si Ermito Magsalay.
Sa ulat ng Caraga PNP na isinumite sa Camp Crame, naganap ang insidente habang naglalaro ng bilyar si Umali kung saan nanonood naman si Estavas nang biglang dumating ang suspek na nakainom ng alak. Gayon pa man, naghamon ang suspek na makipaglaho subalit iniwan na ito ng kaniyang mga kasamahang minero kaya nagalit ito kung saan hinabol ang mga biktima saka pinagbabaril kung saan napuruhan si Umali.
- Latest
