CAVITE, Philippines – Magkasunod na sinalubong ni kamatayan ang magkaibigang lalaki matapos itong ratratin ng mga di-kilalang kalalakihan sa Barangay Paliparan 3 sa Dasmariñas City, Cavite kamakalawa ng gabi. Kinilala ang mga biktima na sina Rodolfo Fernandez, 38, visual artist at nakatira sa Block 7 Lot 20 Summerwind Subd. 4 sa Brgy. Burol at Frederick Mujar, 27, ng Calauag, Quezon. Sa police report na nakarating sa Camp Pantaleon Garcia sa Imus City, naghuhuntahan ang magkaibigan nang lapitan at pagbabarilin sa ulo.