NORTH COTABATO, Philippines - Bulagta ang 16-anyos na traysikad driver matapos itong barilin ng kabarong driver dahil sa agawan sa pasahero sa megamarket, Cotabato City, Maguindanao kamakalawa ng hapon. Kinilala ni Police Station 1 commander P/Senior Insp. Efren Salazar ang biktima na si Nasrudin Lagasan ng Sitio Tukananes, Barangay Poblacion 7 sa nasabing lungsod. Ayon kay Salazar, may nakasuntukang kabarong traysikad driver ang biktima kung saan tumakbo ito subalit binaril at napatay. Inaalam pa ng pulisya kung ang nakasuntukan ni Lagasan ang isa sa mga bumaril sa biktima. Agawan naman ng pasahero ang isa sa anggulong sinisilip ng pulisya kaya pinatay ang biktima. Rhoderick Beñez