TUGUEGARAO CITY, Cagayan, Philippines – Dalawa-katao ang sinalubong ni kamatayan matapos masalpok ng pampasaherong bus ang kanilang motorsiklo sa kahabaan ng highway sa Barangay Caramotan, bayan ng Villasis, Pangasinan kamakalawa.? Base sa police report na isinumite kay P/Chief Insp. Jesus Manalo Jr. hepe ng Villasis PNP, nag-overtake ang motorsiklo ng biktimang si Edmundo Sabado sa sinusundang bus subalit sumalpok ito sa kasalubong na pampasaherong bus na minamaneho ni Mario Ariola ng Urdaneta City. Kasamang namatay ni Sabado ay ang kaangkas nitong kaibigang si Rolando Orpiano ng Barangay Piaz. Tumilapon ng ilang metro ang mga biktima at kapwa patay na nang mairating sa pagamutan. Sumuko naman sa pulisya ang driver ng bus matapos ang insidente. Raymund Catindig