Mister dinedo ng kumpare dahil sa telebisyon
MANILA, Philippines – Dahil lamang sa pagtatalo sa paboritong palabas sa magkalabang istasyon ng dalawang sikat na television network, napatay sa pakikipagsaksakan sa kanyang kumpare ang isang lalaki sa Barangay Guilig, bayan ng Mangaldan, Pangasinan kamakalawa.
Napuruhan sa dibdib ang biktimang si Jose Pimentel habang nakikipaglaban naman kay kamatayan ang nakasaksakan nitong si Desirio de Vera, 46, kapwa nakatira sa nasabing barangay.
Sa ulat ni P/Supt. Reynaldo Biay, director ng Pangasinan Provincial PNP Office, lumilitaw na maaga pa lamang ay nag-iinuman na ang magkumpare habang nanonood ng ng telebisyon.
Gayon pa man, pinihit ng suspek sa ibang channel ang telebisyon kaya nagalit ang biktima dahil hindi nito naibigan ang palabas hanggang sa nauwi sa mainitang pagtatalo ng dalawa. Tinarakan ng suspek sa dibdib ang biktima na kumuha rin ng patalim at nakipagsaksakan sa kaniyang kumpare.
- Latest
