CAMARINES NORTE, Philippines – Sabog ang ulo ng isang 37- anyos na binata makaraang pagbabarilin ng hindi nakikilalang mga suspek sakay ng motorsiklo habang ang biktima ay kasalukuyang bumibili sa isang tindahan sa Pagdaicon St., Brgy Mabolo, Naga, City, Camarines Sur, kamakalawa ng gabi.
Agad na binawian ng buhay ang biktimang si Nenito Dela Trinidad makaraang magtamo ng tama ng bala ng caliber 45 sa ulo at balakang mula sa hindi pa nakikilalang suspek na agad na tumakas matapos ang pamamaslang dakong alas-6:20 ng gabi.
Inaalam pa ng mga awtoridad kung ano ang motibo sa krimen habang patuloy pa rin ang isinagasawang imbestigasyon ukol dito.