CAVITE , Philippines– Pinaniniwalaang onsehan ang isa sa motibo kaya pinagbabaril hanggang sa mapatay ang 43-anyos na mister ng riding–in-tandem gunmen sa bayan ng Tanza, Cavite kamakalawa ng gabi. Napuruhan ang biktimang si Adan Ibanes ng #68 Capt. Jose Street sa Barangay Hulugan 1 sa nasabing bayan. Nabatid na nakaupo ang biktima sa kaniyang motorsiklo nang biglang lapitan at ratratin. Narekober sa crime scene ang ilang basyo ng bala ng baril habang patuloy ang pagsisiyasat.