LEGAZPI CITY, Albay, Philippines – Pinaniniwalaang selos ang isa sa motibo kaya napatay ang 31-anyos na misis matapos itong pagtatagain ng kanyang selosong mister sa Barangay Poblacion sa bayan ng Claveria, Masbate kahapon ng madaling araw. Kinilala ng pulisya ang napatay na si Marlene Etcoy habang arestado naman ang suspek na si Jose Etcoy, 42, kapwa nakatira sa nabanggit na barangay. Naganap ang krimen sa bahay ng mag-asawa kung saan nadatnan ng suspek ang kanyang misis na natutulog sa kanilang kuwarto. Nabatid na lango sa alak ang suspek nang pagtatagain nito ang misis. Ayon sa pulisya, nagselos ang suspek matapos makasagap ng tsismis na may ibang nanliligaw sa biktima.