QUEZON, Philippines – Brutal na kamatayan ang sinapit ng 52-anyos na misis matapos itong hatawin ng tubo sa ulo ay kinaladkad pa ang bangkay sa dalampasigan ng Purok 1 Gatang, Barangay Talao-Talao sa Lucena City, Quezon kamakalawa ng hapon. Sa police report nakarating kay P/ Supt. Allen Rae Co, hepe ng Lucena City PNP, kinilala ang biktima na si Liza Fontanilla habang naaresto naman at kinasuhan ang welder na suspek na si Regalado Fontanilla, 57. Base sa imbestigasyon, sumiklab ang mainitang pagtatalo ng mag-asawa hanggang sa hindi na makatiis ang mister sa kabubunganga ng misis kaya hinataw sa ulo ang babae gamit ang tubo hanggang sa mapatay. Kinaladkad pa ng suspek ang bangkay ng asawa saka iniwan sa dalampasigan hanggang sa matagpuang lulutang-lutang sa tubig at hinahampas ng alon.