Estudyante sinampal ng principal

QUEZON, Philippines – Nahaharap sa kasong child abuse o paglabag sa RA 7610 ang principal ng pampublikong paaralan sa bayan ng Catanauan, Quezon, matapos itong ireklamo ng pana­nampal sa 14-anyos na estudyante kamakalawa ng umaga. Base sa ulat ng pulisya, ipinatawag ng principal na itinago sa pangalang Sardea ang biktimang itinago rin sa pangalang James dahil sa pagkabigo nitong umattend sa subject na dalaw patron  at review ng kanilang klase. Nang nasa opisina ng principal ang biktima para magpaliwanag ay bigla na lamang siyang sinampal nito. Nag-iiyak ang biktima at kaagad na nagsumbong sa kanyang ina habang hindi naman nakunan ng pahayag ang principal.