MANILA, Philippines – Pinagbabaril hanggang sa mapatay ang isang Barangay health worker sa loob mismo ng health center sa Purok Sinamar, Kilagasan, North Cotabato kahapon ng umaga.
Kinilala ni Supt. Jordine Maribojo, hepe ng Kabacan PNP ang biktima na si Prima Manuel, 56-anyos at residente ng nasabing lugar.
Batay sa ulat pinagbabaril ng mga di pa nakilalang suspek ang biktima habang nasa loob ng sentro dakong alas-8:45 ng umaga.
Bulagta agad ang biktima nang pagbabarilin ng suspek gamit ang kalibre .45 na pistol batay sa mga narekober sa crime scene.
Matapos maisakatuparan ang masamang balakin agad na tumakas ang mga suspek sa hindi malamang direksiyon sakay ng kulay itim na Bajaj motorsiklo.