MANILA, Philippines - Nasa kritikal na kalagayan ang 9-anyos na nene makaraan itong aksidenteng mabaril ng kaniyang tiyuhin sa Purok 6, Barangay Recodo, Zamboanga City, Zamboanga del Sur kamakalawa ng hapon. Kasalukuyang ginagamot sa Zamboanga City Medical Center ang biktimang si Satra Muhmin na nagtamo ng tama ng bala sa kaliwang bahagi ng katawan na naglagos sa likuran. Pinaghananap naman ng pulisya ang suspek na si Talingan Andan. Sa police report na nakarating sa Camp Crame, naglilinis ng baril ang suspek nang aksidenteng pumutok ang baril nito na tumama sa sariling pamangkin na naglalaro. Gayon pa man, sa halip na sumuko ay tumakas ang suspek patungo sa hindi pa malamang destinasyon.