Binata nakuryente

GENERAL LUNA,QUEZON, Philippines – Natusta ang buong katawan at namatay noon din ang isang 17 anyos na binata makaraang makuryente nang umiwas sa ulan kamakalawa ng tanghali sa Brgy. San Ignacio Ibaba ng bayang ito.

Kinilala ng pulisya ang biktima na si Jayson Daligdigan, residente ng nabanggit na barangay. Lumalabas sa im­bestigasyon ng General Luna Police  dakong alas-11:30 ng tanghali habang nasa kasagsagan ang malakas na buhos  ng ulan dahil sa bagyong Mario ay nagpasyang sumilong sa isang bahay ang biktima upang hindi tuluyang mabasa.

Napahawak umano ang biktima sa isang live wire at palibhasa ay basa ang kamay ay mabilis na dumaloy sa kanya ang malakas na boltahe ng kuryente. (Tony Sandoval)