MANILA, Philippines – Pinabulagta ang 43-anyos na pulis makaraang pagbabarilin ng riding-in-tandem gunmen sa harapan ng tindahan sa Barangay Polo, Dapitan City, Zamboanga del Norte kamakalawa ng hapon. Kinilala ni P/Inspector Dahlan Samuddin, PNP regional spokesman ang biktima na si PO3 Ardie Galleposo, nakatalaga sa Mutia PNP. Lumilitaw sa pagsisiyasat na nakatayo sa tapat ng tindahan ang biktima nang lapitan at pagbabarilin ng tandem. Naisugod sa Zamboanga del Norte Medical Center, subalit idineklarang patay ang biktima.