Driver pabalagbag pumarada, itinumba
TUGUEGARAO CITY, Cagayan, Philippines - Kamatayan ang pinaglagyan ng driver na sinasabing pabalagbag na ipinarada ang minamanehong truck sa tapat ng vulcanizing shop matapos itong pagbabarilin ng dalawang motoristang nairita sa kanya kamakalawa sa Barangay Sappaac, bayan ng Bangued, Abra.
Kinilala ni P/Senior Insp. Eddie Bagto, deputy chief ng Bangued PNP ang bumulagtang truck driver na si Felix Quilay habang nasakote naman sa foolow-up operataions ang mga suspek na sina Arnold Bajo at Orly Molina na mga residente rin ng nasabing barangay. ?
Lumalabas sa imbestigasyon na sinita ng mga suspek ang biktima sa hindi maayos nitong parada ng kanyang truck habang nagpapa-vulcanize ng gulong nito.
Ayon sa police report, nakalikha ng pagsisikip ng trapiko sa nasabing lugar ang pabalagbag na pagparada ng biktima kaya nauwi matinding komprontasyon hanggang sa sumiklab ang pamamaril. ?
Tumakas ang mga suspek sakay ng motorsiklo subalit nadakip din ng pulisya sa isinagawang follow-up operations.
- Latest
