Ina minura ng anak, nagbigti

MANILA, Philippines - Legazpi City, Albay - Dahil sa matinding sama ng loob sa pabalang na pagsagot at pagmumura ng kaniyang suwail na anak na babae, nagbigti ang 71-anyos na ina sa likuran ng kanilang bahay sa Barangay Taytay, bayan ng Goa, Camarines Sur kamakalawa.

Bandang alas -10:30 ng umaga nang matagpuan ng kaniyang pamangking si  Adelina Climaco ang nakabiting bangkay ng biktimang si Lourdes Peñaflorida  sa punung Malubago  may ilang metro mula sa likuran ng bahay nito sa Upper Culasi.

Nagpaalam ang matanda sa kaniyang asawang si Sergio na mamimitas lamang ng gulay sa likurang bakuran pero hindi ito umuwi hanggang sa matuklasan ang insidente.

Huling namataang nagtatalo ang biktima at ng kaniyang anak na si Maritess at ang manugang na si Vicente Montes.??

Dito na sumama ang loob ng biktima kaugnay sa problemang pampamilya matapos na sagutin ng pabalang at pagmumurahin ni Maritess ang sariling ina.

Humagulgol umano ang matanda matapos komprontahin ng kanyang anak kaya humantong sa pagpapakamatay nito.