Gun for hire gang nalansag; 8 timbog
MANILA, Philippines - Nalansag ng mga operatiba ng pulisya ang isang bagong sibol na gun for hire gang kasunod ng pagkakasamsam sa sari-saring mga armas habang 8 hinihinalang miyembro ng grupo ang nasakote sa magkakahiwalay na operasyon sa San Fabian, Pangasinan, kamakalawa.
Ayon kay Pangasinan Provincial Police Office (PPO) Director P/Sr. Supt.Sterling Blanco, magkakasunod na sinalakay ng mga awtoridad ang tahanan nina Rafael de Vera at Roy Ramos sa Brgy. Nibaliw Narvarte ng bayang ito na pinagiimbakan ng mga armas at bala pero nabigo ang mga itong maaresto.
Ang raid sa pinaglulunggaan ng gang ay isinagawa sa bisa ng search warrant na inisyu ni Acting Executive Judge Renato Pinlac ng San Carlos City Regional Trial Court Branch 57.
Arestado naman sa operasyon ang mga suspek na sina Aquilino Ramos, 39; Rommel Garces, 35; Carlito Valerio Jr; Ronnie Guillermo, 19; Dennis Arquillos, 26; Manny Picardal, 26; Alex Aragon, 50 at isa pang hindi natukoy ang pagkakakilanlan.
Sa nasabing operasyon ay nasamsam ang bulto ng sari-saring mga armas bulto ng mga bala, uniporme ng pulis at militar, handheld radios at mga bullet proof vest.
- Latest
