8 tiklo sa pagpapaputok ng baril

CAVITE , Philippines  -  Walo-katao kabilang ang anim na traffic enforcer ng MMDA ang nasakote matapos na magpa­putok ng baril kamakalawa ng gabi sa Barangay Bayan Luma 9, Imus City, Cavite. Ang mga suspek na isinasailalim sa interogasyon ay sina Mark Louie Cabrera ng Santa Ana, Bulacan, Bulacan; Alfredo Lopez Jr. ng Salinas Ville 3, Salinas 1, Bacoor City; Eric Brombuela ng Barangay Sta Rosa, Pasig City; Celito Casangkapan Jr. ng Clove Sreet, Treelane 3, Bayan Luma 9, Imus City;  Domingo Solomon ng Evangelista Street, Brgy. Mabolo, Bacoor City; Glen Juria ng  Cherry Homes, Brgy. Mambog 1, Bacoor City; Jeremiah Camara ng Bloomfield Subd., Alapan 1B, Imus City; Lino Andres ng Benedict Street, Barangay Molino 2, Bacoor City; at si Karen Bismanos ng Fatima K, Area K, Dasmariñas City, Cavite. Ayon kay P03 Michael Formoso, isinailalim naman sa paraffin test ang mga suspek kung saan narekober ang basyo ng bala ng cal. 45 pistol sa pinangyarihan ng insidente.