TUGUEGARAO CITY, Cagayan , Philippines – Tinatayang aabot sa P8 milyong halaga ng ari-arian ang tinupok ng apoy matapos masunog ang malaking drug store chain sa Tuguegarao City, Cagayan kamakalawa ng gabi. Sa ulat ni P/Chief Insp. Ruben Verbo, hepe ng Tuguegarao City PNP, nagsimula ang apoy mula sa bodega ng Mercury Drug Store na nasa ground floor ng Hotel Delfino na pag aari ni dating Mayor Delfin Ting. Nasugatan naman dahil sa mga tumalsik na bubog ang anak ng dating alkalde na si Councilor Larry Ting at isang volunteer fireman na si Junior Tumaliuan. Wala namang nasugatan na hotel guest sa nasabing insidente kung saan naapula naman ang apoy dakong alas-2 ng madaling araw matapos ang anim na oras na sunog habang patuloy ang imbestigasyon.