14-anyos pinilit magpa-enroll, nagbigti

TUGUEGARAO CITY, Cagayan, Philippines - - Nagdesisyon ang 14-anyos na binatilyo na magpasalubong kay kamatayan kaysa magpa-enroll sa eskwelahan sa darating na pasukan makaraan itong magbigti sa kanilang bahay sa Barangay Tagaran, Cauayan City, Isabela kamakalawa. 

Kinilala ng pulisya ang biktima na si Raffy Rod­riguez na natagpuan ng kanyang mga magulang na nakabitin sa kanyang kuwarto.

Ayon sa ama ng biktima na si Edgar, naging matamlay ang anak simula nang paghandain niya itong mag-enroll sa kanilang paaralan sa darating na pasukan.

Tumanggi nang isai­lalim ng mga magulang sa post-mortem examination ang bangkay ng biktima.