Raymond Bus 30 araw sinuspinde ng LTFRB

MANILA, Philippines – Pinatawan ng 30 araw na suspensyon ng Land Transportation Franchising and Regulatory Board ang kompanya ng bus na sangkot sa aksidente sa probinsya ng Quezon.

Limang bus ng Raymond Bus company ang hindi muna maaaring makabiyahe matapos masangkot sa aksidente kung saan dalawang katao ang nasawi.

May rutang Cubao, Quezon City patungong Camarines Sur sa Bicol Region ang mga suspendidong bus.

Kaugnay na balita: Bus vs trak sa Quezon, 2 patay, 13 sugatan

Nitong kamakalawa ay bumangga ang isang unit ng Raymond bus sa isang 10-wheeler truck sa kahabaan ng Diversion Road, Brgy. Lalig, Tiaong, Quezon province.

Isa sa mga nasawi ay tatlong-taong-gulang na babae, habang 13 pang pasahero ang sugatan.