MANILA, Philippines - Umaabot sa 25-katao ang iniulat na nasugatan makaraang mahulog ang pampasaherong bus sa malalim na bangin sa Sitio Dimotol, Barangay Dianawan sa baÂyan ng Maria Aurora, Aurora kahapon ng umaga.
Sa inisyal na imbestigasÂyon, lumilitaw na bumabagtaÂs ang Papin Bus (CWC -847) na minamaneho ni Celestino Marzan habang palusong sa matarik na bahagi ng bulubunduking highway nang mawalan ito ng kontrol sa manibela bandang alas-7 ng umaga.
Nagtuluy-tuloy na dumausdos ang bus kung saan sumabit ito sa punungkahoy bago tuluyang nahulog sa may 20-talampakang malalim na bangin.
Agad namang rumesÂponde ang rescue team ng lokal na pamahalaan at naisugod naman ang mga biktimang sugatan sa Aurora Memorial Hospital sa bayan ng Baler, Aurora.
Samantala, nagsagawa rin ng retrieval operation ang rescue team sa kinahulugan ng pampasaherong bus.