LEGAZPI CITY, Albay, Philippines – Kalunus-lunos na kamaÂtayan ang sinapit ng 67-anyos na ina matapos itong pagtatagain ng kanyang anak na sinasabing lango sa droga na nagalit sa sermon ng una kamakalawa ng umaga sa Sitio Panganiban, BaÂrangay Malawag sa bayan ng Nabua, Camarines Sur.
Animo’y kinatay na hayop ang katawan ng biktimang si Norma Daza-Silvano habang nasakote naman ang suspek na si Renan Silvano, 27, may asawa at kapwa nakatira sa nabanggit na barangay.
Lumilitaw na dumating sa kanilang bahay ang suspek na lango sa bawal na droga kaya kinompronta ng biktima saka pinagsabihang maghanap ng trabaho para sa kanyang pamilya.
Gayon pa man, nagalit ang suspek sa tinuran ng kanyang ina kaya kinuha nito ang matalim na itak at isinagawa ang pananaga.
Tinangkang tumakas ng suspek subalit maagap na inaresto ng mga awtoridad.