NUEVA ECIJA, Philippines - – Brutal na pinatay ang 64-anyos na ama matapos itong pagbabarilin ay tinaga pa ng sariling anak na lalaki sa kanilang bahay sa Barangay Bravo, bayan ng General Natividad, Nueva Ecija kamakalawa ng gabi. Kinilala ng pulisya ang biktima na si Irineo Valdez Jr., retiradong sundalo ng Phil. Army habang sumuko naman ang suspek na si Irineo Ortiz Valdez III. Sa pagsisiyasat ng pulisya, lumilitaw na dumating sa bahay ang suspek matapos nitong sunduin ang kanyang ina. Gayon pa man, kinompronta ng biktima ang suspek dahil wala sa oras na sinundo ang kanyang ina kaya nairita ito at isinagawa ang pamamaslang. Isasailalim sa mga series of test ang biktima upang malaman kung lango ito sa alak o lango sa bawal na gamot kaya nagawa ang brutal na krimen.