3 NPA rebels todas sa encounter

MANILA, Philippines - Tatlong miyembro ng mga rebeldeng New People’s Army (NPA) ang  nasawi sa naganap na engkuwentro sa Brgy. Maghasay, San Luis, Agusan del Sur kamakalawa. Ayon kay Captain Amado Gutierrez, Spokesman ng Army’s 8th Infantry Division (ID) dakong alas-11:15 ng umaga ng makasagupa ng tropa ng 26th Infantry Battalion ang grupo ng mga rebelde sa nasabing lugar. Sa nasabing pagpapanagpo ay agad nagkaroon ng palitan ng putok sa pagitan ng tropang gobyerno at ng NPA rebels. Ang bakbakan ay tumagal ng mahigit 10 minuto na ikinasawi ng 3 rebelde na tinangay ng mga nagsitakas ng mga itong kasamahan habang wala namang nasugatan sa panig ng mga sundalo.