BAYOMBONG, Nueva Vizcaya, Philippines – Tatlo-katao ang inaresto ng pulisya makaraang maaktuhan sa illegal operation ng bingo milyunaryo na sinasabing ginagamit ang pangalan ng Philippine Charity Sweepstake Office, ayon sa ulat kahapon. Pormal na kinasuhan ng pulisya ang mga suspek na sina Jayson Dela Cruz, 33; Reynaldo Balacano, 33; at si Michael Lalamigo, 32, mga residente sa bayan ng Bayombong, Nueva Vizcaya. Ayon kay P/Senior Supt. Valfrie Tabian, ang mga suspek ay naaktuhan ng pangkat ni P/Chief Insp. Maximo Sumeg-ang matapos makatangap ng impormasyon. Gayon pa man, may ipinapakitang kaukulang permit ang mga tauhan ng bingo milyonaryo mula sa pamunuan ng PCSO subalit ang paraan ng kanilang operasyon ay iligal at hindi alinsunod sa mga regulasÂyon ng nasabing ahensya.