MANILA, Philippines - Nagwakas ang misterÂyo sa limang buwang pagkawala ng 6-anyos na nene na sinasabing dinukot ng kanyang kapitbahay matapos itong matagpuang kalansay at bungo na sa masukal na bahagi ng pribaÂdong lote sa Sitio Balikid, Barangay Quiot, Cebu City, Cebu kamakalawa.
Kinilala ng mga magulang ng biktimang si Mariflor Medalla na positibo ang daÂmit at tsinelas na suot ng bata ng huli itong makitang buhay noong Oktubre 6, 2013.
Patuloy namang pinagÂhahanap ang suspek na si Allan Gimongala na siyang nakitang umaakay sa bata bago ang misteryosong pagkawala nito.
Base sa impormasyong nakalap ng pulisya, bandang alas-10 ng umaga, naglalaro ang mga batang lalaki sa bulubundukin at madamong bahagi sa nasabing lugar nang madiskubre ang kalansay at bungo ng biktima na nakasuot pa ng damit.
Gayon pa man, kinahapunan na ng ipaalam ng mga bata sa kanilang mga magulang ang natagpuang kalansay kung saan agad namang inusisa ng mga barangay tanod.
Sa pahayag ng ama ng biktima sa mga awtoridad, sinabi ng bata sa kaniyang mga kalaro na sasama muna siya kay Gimongala dahil marami itong ibibigay na kendi kung saan hindi na ito natagpuan pa.
Samantala, tumakas naman si Gimongala matapos na mabatid na siya ang suspek sa pagkawala ng bata.