NORTH COTABATO a a – Pinaniniwalaang matinding selos ang isa sa motibo kaya napatay ng magsasaka ang 60-anyos na katiwala sa sakahan sa Barangay Datu Mantangkil, bayan n Arakan, North Cotabato kahapon ng madaling araw. Kinilala ni P/Senior Insp. Rolly Oranza, hepe ng Arakan PNP ang biktima na si Federico Salvani na tumatayong katiwala sa sakahan ni Rolly Leoncito. Ayon sa report, nagkaroon umano ng di- pagkakaunawaan ang dalawa hanggang sa humantong sa pananaksak ng suspek na si Jerry Reyes, 39, magsasaka at tubong Arakan. Boluntaryo namang sumuko ang suspek sa kanilang amo na may-ari ng sakahan kung saan agad na tinurn-over sa Arakan PNP. Sa ngayon inihahanda na ang kasong kriminal na kakaharapin ng suspek habang naghihimas ito ng malamig na rehas bakal.