TUGUEGARAO CITY, Cagayan, Philippines - – Pinaniniwalaang kumpetisyon sa negosyong scrap metal buying ang isa sa motibo kaya pinagtataga hanggang sa mapatay ang 33-anyos na trader habang kritikal naman ang kakambal nito sa Barangay Cutar, bayan ng Aritao, Nueva Vizcaya kamakalawa.
Kinilala ni P/Chief Insp. Chevalier Iringan ang naÂpatay na si Roberto Mendoza habang nakikipagbuno naman kay kamatayan ang kakambal nitong si RodeÂrick Mendoza na naisugod sa People’s Indigenous Hospital.
Sumuko naman sa puÂlisya ang mga suspek na magkapatid na sina Samuel Rodillas, at Rod Rodillas na kapwa kapitbahay ng mga biktima.
Nabatid na kapwa lango sa alak ang mga biktima nang sugurin ang bahay ng mga kaanak ng suspek subalit sinalubong sila ng malalaking tipak na bato.
Hindi pa nakontento ay pinagtataga pa ang mga biktima habang patuloy naman ang imbestigasyon.