CAMARINES NORTE , Philippines - Hirap man sa buhay ay nagawa pa ring magbigay ang mga miyembro ng Daet Urban Poor Federation (DUPF) ng 40 sakong bigas para sa mga biktima ng kalamidad sa Eastern Visaya sa katatapos lang na solidarity week kamakalawa.
Sa panayam kay Marlon T. Bandelaria, pangulo ng Daet Urban Poor, nabatid na isinakripisyo ng mga maralitang taga-Daet ang P50,000 na gagamitin sana sa kanilang Christmas Party kahapon.
“Nagpapasalamat po ako sa aking mga kasamahan sa kanilang malaking pang unawa bagamat hirap din sa buhay ay kanilang naramÂdaman ang pangunahing pangaÂngailangan ng mga biktima ng bagyong Yolanda,†pahayag ni Bandelaria.
Nabatid na umaabot sa 46 na asosasyon ng Daet Urban Poor ang nagpaabot ng tulong kahapon sa pagtatapos ng kanilang ika - 25 taong Urban Poor Solidarity Week na ginanap sa Heritage Center sa tulong ng tanggapan ni Mayor Tito Sarion, Sangguniang Bayan ng Daet, MDRRMO, Bureau of Fire Protection at ng ABS-CBN Kapamilya Caravan.