MANILA, Philippines - Bumanat muli ang mga bandidong Abu Sayyaf Group makaraang dukutin ang 54-anyos na provincial treasurer sa bahagi ng Barangay Bangkala, baÂyan ng Patikul, Sulu noong Lunes ng gabi.
Kinilala ni Col. Jose JohÂriel Cenabre, 2nd Marine Brigade at Task Force Sulu commander ang binihag na si Jesus Cabilin.
Bandang alas-6:45 ng gabi ng bigla na lamang sumulpot sa quarter na tinutuluyan ng biktima sa capitol site ang mga armadong bandido at sunggaban ang opisyal.
Agad namang natukoy na kabilang sa dumukot sa biktima ay ang grupo nina Ninok Sappari at Julli Ikit na kapwa sub-commander ng mga bandidong Sayyaf
Walang nagawa ang biktima matapos na tutukan ng baril at puwersahang kaladkarin ng mga kidnaper pasakay sa dilaw na jeepney na tumahak patungo sa Barangay Danag.
Nabatid pa sa opisyal na tinangkang habulin ng mga operatiba ng pulisya ang mga kidnaper na nakapaglitan pa ng putok pero nagawang makatakas tangay ang bihag.
Patuloy ang pagtugis ng pinagsanib na elemento ng militar at ng pulisya laban sa grupo ng mga kidnaper.