BULACAN, Philippines – Karumal dumal ang sinapit ng isang 18 anyos na misis na ginahasa muna saka hiniwa ng blade ang halos buong katawan ng tatlong kalalakihan na umano’y lango sa droga sa hangganan ng Sta Maria at Bocaue, Bulacan kahapon.
Kasalukuyan pang nakakaranas na trauma o mental shock at sumailalim din sa medical examination sa PNP-Bulacan Crime Laboratory Office ang biktima na itinago sa pangalang Maria residente ng Brgy. Burol 1 st sa bayan ng Balagtas.
Base sa imbestigasyon ni PO2 Mirara Cruz ng WoÂmen and Children Complaint Desk dakong alas- 7 ng gabi ay kasalukuyang naglalakad ang biktima sa kahabaan ng McArthur Highway sa bahagi ng Brgy. Burol 1 st ng biglang huminto sa kanyang harapan ang isang kulay puting van na sinasakyan ng mga suspek.
Nagtanong pa umano ang mga suspek sa biktima kung saan ang daan patungo sa bayan ng Bulacan ng lalawigang ito pero isa sa mga ito ay agad na sinunggaban ang ginang at tinakpan ng panyo sa mukha na siya nitong ikinahilo. NaÂgising ang ginang ay masakit ang buong katawan matapos hiwain ng blade ng mga suspek at namamaga ang kaselanan. Nagsasagawa na ng follow up operations ang pulisya sa kasong ito.