CAVITE, Philippines – Kalunus-lunos na kamatayan ang sinapit ng 3-anyos na batang lalaki matapos itong makabiÂtiw sa kanyang tiyuhn at malunod sa tubig-baha sa Barangay Malagasang II-E sa Imus City, Cavite kamakalawa ng madaling-araw.
Ilang oras bago pa maÂtagpuan ang bangkay ng biktimang si Constantine Hernandez ng nasabing barangay.
Sa ulat ni P01 MerliÂta Bianes, bandang alas-4 ng madaling-araw, nang magpasyang lumikas ang mga residente kasama ang pamilya ng biktima maÂtapos tumaas ang tubig-baha hanggang dibdib.
Nabatid na pasan-paÂsan ng tiyuhing si Moses Modesto ang biktima kung saan lumusong sa tubig-baha upang magtungo sa evacuation center.
Subalit sa lakas ng agos ng tubig-baha ay aksidenteng nakabitiw at nahulog ang biktima sa tubig-baha hanggang sa tangayin ng rumaragasang agos.
Gayon pa man, sinikap na sagipin ng tiyuhin at ilang residente ang biktima subalit mabilis na nilamon ng tubig-baha kung saan natagpuan naman matapos lumutang ang bangkay nito.