No helmet policy inimplementa sa Cotabato City
MANILA, Philippines - Sa gitna na rin ng malagim na pambobomba na kumitil ng buhay ng walo-katao, inimplementa na kahapon ng pulisya ang no helmet policy sa Cotabato City.
Ito ang inihayag kahapon ni Cotabato City PNP director P/Senior Supt. Rolen Balquin kung saan ang hakbang ay siÂnimulan sa selebrasyon ng Eidl Fitr bilang pagtatapos ng Ramadan.
“At least ma-identify natin ‘yung mga suspect sa shooting incident and other crimes wearing helmets,†ayon kay Balquin kaugnay ng patuloy na pagtugis laban sa mga nasa likod ng pambobomba sa Cotabato City noong Agosto 5.
Una nang ipinatupad sa Davao City ni Mayor Rodrigo Duterte partikular na sa Kadayawan Festival ang ‘no backpack policy’ dahil karaniwan na umanong inilalagay ng mga bomber ang bomba.
Ang Davao City ay pinangangambahang targetin din ng pambobomba ng teroristang grupo.
Gayon pa man, upang maging legal ang panukala at maipagpatuloy ang no helmet policy ay hihiÂlingin nila sa pamahalaang lungsod na magpasa ng resolusyon.
“We are request for passage of resolution for the legitimate implementation ng no wearing of helmet policy inside Cotabato City,†ani Balquin
Inihayag ng opisyal na ang hakbang ay bilang bahagi ng preemptive meaÂsure upang hindi na maulit pang muli ang malagim na pagpapasabog kung saan ang bomba ay itinanim sa nakaparadang multicab na katabi ng motorsiklo sa kahabaan ng Sinsuat Avenue, Brgy. Rosary Heights 10.
Sa nasabing insidente ay nasa sampung kabahayan din ang nasunog na nasa tabi ng highway matapos gamitan ng 500 kilo ng ammonium nitrate ang pampasabog.
- Latest
