OLONGAPO CITY, Philippines – Nalalagay sa alanganin masibak ang hepe ng pulisya sa Olongapo City makaraang maalarma ang mga residente sa patuloy na paglaganap ng krimen sa nabanggit na lungsod.
Ito ang ipinahayag ni City Administrator Mamerto MaÂlabute kaugnay na rin sa pagkakadismaya ni Olongapo City Mayor Rolen C. Paulino sa hepe ng pulisya na si P/Senior Supt. Rodolfo Recomono Jr., sa kaugnay sa sunud-sunod na patayan na nagaganap sa nakalipas na linggo.
Sa pinakahuling insidente ayon kay Malabute, ang pagpatay sa 50-anyos na negosyanteng si Paul Salvatus matapos ratratin sa pag-aaring beach resort sa Barangay Kalaklan noong nakalipas na linggo.
Pinagbabaril naman ang magkapatid na Jerwin Kusumi, 31; at Jeff Kusumi, 26, habang naglalakad sa bisinidad ng Magsaysay Drive kung saan kritikal pa rin sa ngayon sa ospital.
Maging ang kontrobersyal na abogadong si Ian Vela Cruz ay niratrat din noong Mayo at noong Abril naman, binaril at napatay ang 52-anyos na Australian trader na si Paul Dean Davy sa bisinidad ng pag-aaring beach resort sa Barangay Barreto. Sinikap naman kunin ang panig ni Recomono subalit hindi nakontak.