2 Koreano sugatan sa 4 holdaper

MANILA, Philippines - Dalawang Korean students ang iniulat na nasugatan makaraang pagbabarilin ng mga armadong holdaper at tangkang pagdukot sa babae nilang kasamahan sa Barangay Mabolo, Cebu City, Cebu kamakalawa ng gabi.

Kinilala ang dalawa na sina Choil Soon Sul, 22, nagtamo ng tama ng bala sa kaliwang mukha; at Heo Yekang, 27, nagtamo naman ng sugat sa kanang braso na kapwa nanunuluyan sa F. Cabahug Street, Brgy. Mabolo.

Sa ulat ni Cebu City PNP director P/Senior Supt. Mariano Na-tuel Jr., naglalakad pauwi ang dalawa kasama ang Koreanang si Anna Ho, 26, nang harangin at sunggaban ang bag ng Koreana ng apat na kalalakihan na lulan ng dalawang motorsiklo.

Dito na sumaklolo ang dalawa kung saan tinangka pang dukutin si Ho pero pigilan nina Choi at Heo kaya pinagbabaril ng mga nairitang suspek.

Bunga nito, ay pinagbalingan na lamang na tangayin ang bag ng mga Koreano kabilang ang cell phone at P50,000 cash saka mabilis na nagsitakas.