DARAGA, Albay, Philippines – Walang galang sa matanda ang 26-anyos na binata makaraang gulpihin nito ang sariling ama sa loob ng kanilang bahay sa Barangay Alcala sa bayan ng Daraga, Albay kamakalawa ng gabi. NagkaÂpasa-pasa ang mukha at katawan ng biktimang si Nonito Llantero, 54, habang naaresto naman ang suspek na si Jogie Llantero, 26, sinasabing lango sa alak at droga. Base sa police report, dumating sa bahay ang suspek na pasuray-suray kung saan nadatnan nito ang kanyang ama’t ina na nanonood ng telebisyon sa sala ng kanilang bahay.Tinanong ng biktima ang kanyang anak kung naghapunan na pero sa pag-aakalang sinermunan ay nagawang pagsusuntukin ang matanda. Nakahingi naman ng tulong sa mga barangay tanod ang ina kaya naaresto naman ang suspek.