Mekaniko dedo sa ligaw na bala

CAVITE, Philippines – Ligaw na bala ang tumapos sa buhay ng 26-anyos na mekaniko habang sugatan naman ang isang misis matapos mamaril ang isang ‘di-kilalang lalaki sa kahabaan ng Governors Drive sa Barangay Bulihan, bayan ng Silang, Cavite kahapon ng umaga. Kinilala ng pulisya ang napatay na si Alexander Rodriguez ng Block 17, Emilia Village sa Barangay Sabutan habang sugatan naman si Delma Dela Cruz, 36, ng Barangay Narra sa nasabing bayan. Ayon kay P02 Jose Cre­sencio, lulan ng traysikel si Dela Cruz nang ratratin ng di-kilalang lalaki kung saan tinamaan ng ligaw na bala si Rodriguez na sinasabing nakatayo sa nasabing lugar.