Lider ng mayoralty candidate, itinumba
CALAPAN CITY, Oriental Mindoro, Philippines – Isang kagawad ng barangay, na lider sa kampanya ng isang mayoralty candidate ang binaril at napatay sa harap ng misis nito sa bayan ng Victoria ng lalawigan kamakalawa.
Sa ulat ng Oriental MinÂdoro Police, kinilala ang biktima na si Amado Umali, 55, kagawad at dating brgy. chairman sa Brgy. Loyal sa bayan ng Victoria ng lalawigan. Ang biktima ay dead-on-the-spot sa tinamong mga tama ng bala sa ulo.
Nabatid na si Umali ay isang malayong kamag-anak ni Oriental Mindoro Governor Alfonso V. Umali, Jr. at pinsan at lider pa ng kandidato ng Nacionalista Party sa pagka-alkalde ng bayan ng Victoria na si Lito Malabanan.
Bandang alas-8 ng gabi ng barilin ang biktima ng mga suspek na nakasuot ng fatigue at armado ng M16 rifle sa loob mismo ng tahanan nito sa Sitio Core Housing, Brgy. Loyal, Victoria dakong alas-8 ng gabi. Ang krimen ay nasaksihan pa ng misis at mga anak ng biktima.
Pinaniniwalaang pulitika ang motibo ng krimen habang patuloy ang imbestigasyon sa kaso.
- Latest
