TUGUEGARAO CITY, Philippines - Niratrat ng riding in tandem assassins ang isang retiradong pulis at ang live- in partner nito na sanhi ng pagkamatay ng nauna at kritikal na pagkakasugat ng isa sa Brgy. Binarsang, Quirino, Isabela kamakalawa.
Kinilala ni Isabela Police spokesman Chief Insp. Narciso Paragas ang nasawi na si Adorio Lucas, 58, samantalang kritikal naman ang live -in nitong biyuda na si Edna Adsuara, 40.
Batay sa report, sinundan ng mga gunmen ang mga biktima at pinaulanan ng bala ng cal. 45 kung saan dead on the spot si Lucas sanhi ng tama sa ulo, habang nagtamo naman ng tama sa ibat- ibang bahagi ng katawan si Adsuara.
Sa pahayag naman sa pulisya ng sugatang si Adsuara na isa sa mga gunman ay mismong kapatid niya na si Charles.
Nabatid pa na may nauna nang tangkang pagpatay ang suspect sa ate nito kung kayat kasalukuyan siyang humaharap sa kasong frustrated murder subalit nakalabas lamang sa pamamagitan ng piyansa.
Asunto sa lupa ang pinaniniwalaang motibo ng krimen.