MANILA, Philippines - Bumulagta ang anim-katao makaraang magÂsalpukan ang dump truck at pampasaherong van sa kahabaan ng highway saSitio Timbangan, Barangay Sarmiento sa Parang, Maguindanao, kahapon.
Sa inisyal na ulat ng 37th Infantry Battalion ng Philippine Army na nakarating sa Camp Aguinaldo, naganap ang road mishap pasado alas-12 ng tanghali sa nabanggit na highway.
Base sa ulat, patuÂngong bayan ng Simuay ang trak na pag-aari ni Mamilan Mangutara nang salpukin ang kasalubong na pampasaherong van na pag-aari naman ni Ireneo Trinidad Tanghal na sinasabing patungo sa Pagadian City
Patay kaagad ang anim sa 12-pasahero ng van kung saan may dalawa pang nasugatan na pasahero ng trak na pawang naisugod sa Cotabato Regional Hospital.
Kasalukuyang pang iÂnaalam ang pagkakakilanlan ng mga biktimang nasawi at nasugatan habang patuloy ang imbestigasyon.